నీకు ఒక రొట్టె నాకు రెండు రొట్టెలు

   
               ఒక ఊరిలో భార్యాభర్త జంట ఉంది. వాళ్ళు పనికి పోయి చెరి పది రూపాయలు సంపాయించి, వాటితో పడి జొన్నలు తెచ్చుకున్నారు. ఇద్దరూ కలిసి వాటిని ఇసుర్రాయిలో పోసి ఇసిరిండ్రు. భర్త పచ్చడిలోకి మిరపగాయలు తేవడానికి వెళ్ళాడు. ఆ సమయంలో భార్య మూడు రొట్టెలు చేసింది. భర్త తెచ్చిన మిరపగాయలతో పచ్చడి చేసింది. భర్త నీకు ఒక రొట్టె, నాకు రెండు రొట్టెలు అన్నాడు. భార్య నీకే ఒక రొట్టె, నాకు రెండు రొట్టెలు అని అడ్డం తిరిగింది. నీకు ఒకటి, నాకు రెండూ అని మొగుడంటే, కాదు నీకే ఒకటి,  నాకు రెండు అని పెండ్లాం తగాదకు తీసుకున్నది.
   
    చివరకు ఇద్దరూ కలిసి ఒక పందెం వేసుకున్నారు. సరే అయితే మనం పందెం పెట్టుకుందాం. ఈ రాత్రి నుంచి తెల్లవారి పొద్దెక్కిందాకా ఎవరైతే కదలకుండా ఉంటరో వాళ్ళకు రెండు రొట్టెలు అని అన్నాడు భర్త. భార్య ఒప్పుకుంది. వాళ్ళు అనుకున్నట్లే అంతా జరుగుతోంది. ఎవ్వరూ కదలడం లేదు.
   
    కానీ పొద్దున్నే పక్క ఇంట్లో వాళ్ళు, ఏమి చప్పుడు లేదే అని వచ్చి చూసారు. వచ్చి వాళ్ళ చెయ్యి పట్టుకొని కదిలించారు. కానీ వాళ్ళు పలకలేదు. కదలలేదు. వాళ్ళు చచ్చిపోయారు అనుకున్నారు. చుట్టుపక్కల అందరూ వచ్చి కొంచెం సేపు ఏడ్చారు. ఇంక వాళ్ళని కాల్చడానికి స్మశానానికి తీసుక పోయారు. వాళ్ళకి అగ్గి పెట్టారు.
   
    మంట సెగ తగిలేసరికి భర్త ఓర్చుకోలేక పక్కకు తిరిగాడు. అప్పుడు భార్య లేచి, ఏయ్ ! ఓడిపోయినావు ఓడిపోయినావు. ఇంక నీకు ఒక రొట్టె నాకు రెండు రొట్టెలు అని చప్పట్లు కొట్టి నవ్వింది. అది చూసిన జనం, వాళ్ళు దయ్యాలు అనుకొని  భయపడి అక్కడి నుంచి పరిగెత్తారు. అప్పుడు వాళ్ళు, ఉండండి, ఉండండి. మేము దయ్యాలం కాదు అని నచ్చచెప్పారు. జరిగిన విషయం చెప్పారు.
   
    అది విన్న జనం, వోర్నీ అని ముక్కున వేలేసుకున్నారు.

                                                                                                                                                                                                                                                                 -మిన్నల్
                                                                                                                                                                                                                                 

ఒక బుల్లి రాణీ

ఒక ఊరిలో ఒక రాజు ఉండేవాడు. అతడికి ఒక పాప పుట్టింది. అతడు పాప పుట్టిందా అని అనుకున్నాడు. పాప పెరుగుతుంది. రాణి ఒక రోజు మన పాపని బడిలో చేరిపిద్దామ అని అన్నది. రాజు ఒప్పుకోలేదు. రాణి అన్నది అందరూ మన పాపని ఎగతాళి చేస్తారు  అని .
అప్పుడు రాజు ఒప్పుకున్నాడు. తను బాగా చదువుకుంటుంది.
    రాజు ఒక విషయాన్ని అలోచించడం రాణి గ్రహించింది. ఏమిటి మీరు దేని గురించో ఆలోచిస్తున్నారు అని అడిగింది. అప్పుడు రాజు చెప్పాడు నాకు ముసలితనం వచ్చేస్తోంది కదా. మన రాజ్యానికి ఎవరిని రాజుని చేద్దాము అని ??????  . అప్పుడు రాణి మన పాపని ఈ రాజ్యానికి రాణిని చేద్దాము అని అన్నది. రాజు, అది ఏంటి ఆడపిల్లలను రాజ్యానికి ఎవరైనా పరిపాలించటానికి అవకాశం ఇస్తారా అని అన్నాడు. కాని  రాణి రహస్యంగా పాపకి  కత్తి యుద్ధం, గుర్రపు యుద్ధం నేర్పిస్తుంది. పాప ముందు ఒప్పుకోలేదు.  కత్తులు, అవి, చూసి నేను నేర్చుకోను అంటుంది . కానీ త్వరగా అన్నీ నేర్చుకుంది.
    కొన్ని రోజుల తరువాత ఒక శత్రురాజు వాళ్ళ మీదకు యుద్ధానికి వచ్చాడు. వాళ్ళు ఉన్నట్టుండి ఒక్కసారిగా  యుద్ధానికి వచ్చేసరికి  సైనికులు బిత్తరపోయారు. రాజు మనం గెలుస్తాము అని అనుకున్నాడు. కానీ సైనికులు  అలసిపోతున్నారు . పాపకి ఈ విషయం తెలిసింది. పాప ఇంతకంటే ముందే ఒక సైన్యాన్ని తయారు చేసుకుంది. ఆ సైన్యంలో  ఒక ఇరవై మందిని పంపిస్తుంది. కాని అవతలి వైపు రాజు ఒక మందుని వాళ్ళ మీద చల్లి వాళ్ళందరిని కింద పడేటట్టు చేసాడు.  ఆమెకి అనుమానం వచ్చింది.  మనం ఓడిపోతామేమో అని . అందుకే పాపే స్వయంగా వచ్చింది.  తన సైన్యాన్ని ముందుకి నడిపింది. పాప గెలిచింది. ఈ సంగతి రాజుకు తెలియదు.  ఈ మంచి వార్తను రాజుకి ఒక భటుడు వచ్చి చెప్పాడు. అది విన్న రాజు యుద్ధంలోకి వచ్చాడు.
    యుద్ధంలో సైనికులను చూసి చాలా ఆశ్చర్యపోయాడు. ఎవరు వీళ్ళు మన సైనికులు కాదే. ఎక్కడ వాళ్ళు. వీళ్ళు ఇంత చిన్నగా ఉన్నారు. నేను ఎప్పుడు చూడలేదు. వీళ్ళ నాయకుడు ఎక్కడ. మన రాజ్యంలోని వాళ్ళేనా. నేను నాయకుడిని కలవాలి అని తొందర పెట్టాడు. భటుడు చాలా వినయంగా వీళ్ళ నాయకుడు అక్కడ ఉన్నాడు ప్రభూ అని నాయకుడి దగ్గరికి తీసుకెళ్ళాడు.అప్పుడు వీళ్ళ నాయకుడు కూడా చిన్నగా ఉన్నాడే అనుకున్నాడు.
    ఆ నాయకుడి దగ్గరకు పోయి రాజు భుజం తట్టాడు. అప్పుడు   ఆ నాయకుడు శిరాస్త్రాణం తీసింది. అరే నువ్వా పాపా అన్నాడు. బుల్లిరాణిని మెచ్చుకున్నాడు. ఇదంతా ఎట్లా అని అడిగాడు. పాప అన్నీ చెప్పింది.  పాపను రాణీని చేసారు.    

                                                                                                                             -Minnal